Алматыда кәсіпкерлер 11 мың заңсыз оталған ағаштың орнына 50 мың жасыл желек отырғызатын болды

Есте болса, Құлжа күре жолы бойында сауда орталығын салу мақсатында заңсыз ағашты отап тастау фактісі тіркелген еді. Айыптарын жуып-шаймақ болғандар қала экологиясын жақсарту үшін теректің жаңа сұрпын екпек. Жаппай ағаш отырғызу науқанын олар жақын күндері бастауды жоспарлап отыр, деп хабарлайды Almaty.tv тілшісі.

«Өсімдіктерді қорғау институтымен бірлесіп Алматы үшін арнайы терек ойлап таптық. Бұл пирамида сияқты терек. Тек қарағай мен жөке ағашына қарағанда оттегіні 5 есе көп береді. Жаңа сұрыптың ерекшеліктері көп. Сондықтан біз пирамидалық теректерді отырғызуға дайынбыз», - деді Сауда орталығының басқарушы директоры Тимур МҰХАМЕДЖАНОВ.