|
15.04.2019 | 19:05
3492

Алматыда Наурызбай ауданының тұрғындары таяқ тастам жердегі мектепке бару үшін бірнеше көшені айналуға мәжбүр

Өйткені, мектепке тікелей баратын жолды жауып тастаған

Алматыда Наурызбай ауданының тұрғындары таяқ тастам жердегі мектепке бару үшін бірнеше көшені айналуға мәжбүр

«Мектепке жету – мұң болды». Алматының Наурызбай ауданындағы тұрғындар осылай деп шағымданды. Олар балаларын тура үйлерінің түбінде тұрған білім ордасына апара алмай әлек деп хабарлайды Almaty.tv тілшісі.

Өйткені, мектепке барар Төлебеков көшесі жабық. Салдарынан оқушыларға күндіз-түні камаздар жүйткіп жатқан Кареьер көшесімен жүруге тура келеді.

«Осы үйді алған кезімізде төмен жақта жол болатын. Облысқа, яғни Қарасай ауданына қарайтын кезде жол болды да, қалаға қосылғаннан кейін жолымыз жоқ болды. Әрбір үйден 2-3 баладан мектепке барады. Мектеп тиіп тұр, дәл артымызда. Алайда, жолдың жоқтығынан айналуға тура келеді. Ең болмаса жаяу апаратын бір аяқ жол болса да салып берсе екен», - дейді Наурызбай ауданының тұрғыны Айгүл ЧЕНТЕМИРОВА.

Балаларының қауіпсіздігіне алаңдаған халықтың мәселесі шешіле ме, жоқ сол күйінде қала ма, бұл сауалға бейсенбі күні 19:30-да Наурызбай ауданының әкімі Санжар Тоғаев тікелей эфирде «Әкіммен ашық әңгіме» бағдарламасында жауап береді. Наурызбайлықтар мазалаған сұрақтарын қазірден бастап «Алматы» арнасының ресми сайтында қалдырып немесе тікелей эфир кезінде WhatsApp мессенджеріне жолдай алады.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир