Алматыдағы Ақжар шағынауданының 22 мыңнан астам тұрғыны жаңа су құбырынан ауыз су алады, деп хабарлайды Almaty.tv.
Бүгін, 1 тамызда Алматыдағы Ақжар шағынауданында жаңа су құбыры мен сорғы станциясы іске қосылды. Қазіргі уақытта іске қосу және жөндеу процесі жүріп жатыр, ол бірнеше күнге созылуы мүмкін. Осыдан кейін тұрғын үйлер салынған су құбырына кезең-кезеңімен қосылады.
Мегаполисті сумен жабдықтаудың технологиялық тізбегіне су құбырын қосу жұмыстары қатар аяқталуда. Диаметрі 400 мм және ұзындығы 3,4 км таза су резервуарлары мен каскадты сорғы станциясы бар су құбыры Ақжар шағынауданының желілерін қаланың жерасты су қоймаларына қосатын болады.
Нысан жобалық қуаттына жеткен соң 22 мыңнан астам тұрғыны бар Ақжар шағынауданының 4 мыңға жуық үйі ауыз сумен қамтамасыз етіледі.
Ақжар шағынауданының сумен жабдықтау және кәріз жүйесін дамыту жобасын іске асыруды аяқтау барысында мұнда 28,8 км желі салу көзделген. Наурызбай ауданында барлығы 130 км су құбыры және 65 км кәріз желілері салынды. 2023 жылдың соңына дейін Қарғалы өзенінде жаңа сүзгі станциясының құрылысы аяқталады. Ал 2025 жылға дейін Ақсай өзенінде осындай сүзгі станциясының құрылысын аяқтау жоспарлануда. Мұның бәрі Наурызбай ауданының 150 мың тұрғынын тұрақты сумен қамтамасыз етуге мүмкіндік береді.
Айта кетерлігі, Ақжарда ауыз су проблемалары 2014 жылы мегаполистің Наурызбай ауданының құрамына кіргенге дейін болған. Ақжардағы су жыл сайын сәуірден қазанға дейін болмай қалады, ал егер пайда болғанның өзінде жергілікті тұрғындардың шағымдары бойынша лай және лас. Ақжарлықтар бөшкелерде су жинайды, оны үнемдеуді үйренді, бірақ ол әлі де тұрмыстық қажеттіліктерге жетпейді. Жергілікті тұрғындар ыстық кезеңде балалар мен зейнеткерлер су тапшылығынан қатты зардап шегеді деп шағымданады.
Бұл мәселені Ақжар тұрғындары 2022 жылдың тамыз айында Алматы әкімі Ерболат Досаевпен кездесу барысында көтерді әрі ауыз су мәселесін шешуді сұраған еді.
- Ақжар шағынауданы тұрғындарының жаз кезінде сумен қамту мәселесін шешу үшін "Ақсай" сүзгі станциясының құрылысы кезеңінде Алматы жерасты сулары кен орнының қорларынан су беру үшін сорғы станциялары бар магистральды су құбырын салу туралы шешім қабылдадым, - деген болатын қала әкімі кездесу барысында.
2023 жылдың наурызында Ерболат Досаевтың тапсырмасы бойынша Наурызбай ауданындағы Ақжар шағынауданының тұрғындары үшін сумен жабдықтау жүйесінің құрылысы басталды. Алматы әкімі атап өткендей, жаңа су құбырын іске қосу аталған қалалық сектор халқының шамамен 65% жерасты көздерінен үздіксіз сумен қамтамасыз етуге мүмкіндік береді. Тұрғындардың қалған 35% суды жеке жер асты көздерінен пайдаланады.
Оқи отырыңыз: Алматыда қоғамдық көлікпен жүру ақысы қымбаттай ма
