2027 жылы студенттердің шәкіртақысы өсе ме

Almaty.tv

Ғылым және жоғары білім министрлігі 2027 жылғы 1 қаңтардан бастап мемлекеттік шәкіртақы мөлшері өзгермейтінін айтты, деп хабарлайды Almaty.tv тілшісі.

Студенттер келесідей мөлшерде шәкіртақы алады:

бакалаврлар – айына 52 372 теңге;
мемлекеттік тапсырыс бойынша педагогикалық мамандықтарда оқитын студенттер – 84 000 теңге;
магистранттар – 117 098 теңге;
"Денсаулық сақтау" бағыты бойынша магистранттар мен резидентура дәрігерлері – 134 664 теңге;
докторанттар – 262 500 теңге.

Аралық аттестация қорытындысы бойынша тек өте жақсы баға алған бакалаврлар мен магистранттар жоғарылатылған шәкіртақы алады.

Базалық шәкіртақыға 15 пайыз қосып есептегенде, жоғарылатылған шәкіртақы мөлшері төмендегідей болады:

бакалаврларда – 60 228 теңге;
мемлекеттік тапсырыс бойынша педагогикалық мамандықтарда оқитын студенттерде – 96 600 теңге;
магистранттарда – 134 663 теңге;
"Денсаулық сақтау" мамандығы бойынша магистранттар мен резиденттерде – 154 864 теңге.

Сондай-ақ келесі санаттар үшін жоғарылатылған шәкіртақы қарастырылған:

көру және есту қабілеті бойынша мүгедектігі бар студенттерге – базалық шәкіртақыға 75 пайыз қосылады;
жетім балалар мен ата-ана қамқорлығысыз қалған балаларға – 30 пайыз қосылады.

Оқи отырыңыз: Бастауыш сынып оқушылары үшін аралық бағалау қалай жүргізіледі