Ерниязова бастаған ҚҚ «Еріктілер лигасы»-ның алматылық еріктілері, Қазақстандағы жоғары білім беру сапасын стандарттау және арттыру жөніндегі жұмыс топтарына қосылу бастамасын көтерді, деп хабарлайды Almaty.tv.
Естеріңізге сала кетейік, бүгін Алматыда Қоғамдық кеңестің кеңейтілген отырысы өтіп, онда Мемлекет Басшысы Қасым-Жомарт Тоқаевтың «Жаңа жағдайдағы Қазақстан: іс-қимыл кезеңі» атты Халыққа Жолдауы талқыланды.
Волонтерлік қызмет әлеуметтік қолдау шараларын көрсетуден бастап, қаланы көгалдандыруға жәрдемдесуге дейінгі бағыттардың кең спектрін қамтиды. Осыған байланысты әркім Жолдауда өзі үшін өзекті бағыттарды және ең бастысы – нақты шешімдер мен іске асыру құралдарын тапты.
«Алматы-жастар қаласы, жоғары оқу орындарының ең көп саны біздің жастар мегаполисінде шоғырланған. Білім сапасы-үлкен мәселе. Біз әлемнің ең дамыған 30 елінің қатарына кіруді мақсат етіп отырмыз және бізге, ең алдымен, білім беруден бастау керек. Барлық жоғары оқу орындарының бірдей жоғары білім сапасын талап ету қажет екенін айтқан Президентімізбен толық келісемін. Белсенді жастар атынан біз осы маңызды мәселені шешу жөніндегі жұмыс тобына кіруге және билікке барынша жәрдемдесуге дайынбыз», – деді Айсұлу Ерниязова.
Оның айтуынша, еріктілік өзін-өзі жүзеге асырудың тиімді құралдарының бірі және белсенді жұмыспен қамту формасына көпір болып табылады.
«Елге білікті мамандар қажет, біздің қабілетіміз қажет. Волонтерлік – бұл өз мақсатына жетуге және халық игілігі үшін идеяларды жүзеге асыруға мүмкіндік беретін "әлеуметтік лифт" құралы», – деп толықтырды Айсұлу Ерниязова.
Алматы жастарын Жолдауда белгіленген міндеттерді іске асыруға белсенді қатысуға шақырды.
Алматы еріктілері Елбасының Жолдауында айтылған бастамалар мен нақты қадамдарды қолдайды және азаматтардың лайықты өмірі мен оларды қорғау сияқты алға қойылған мақсаттарға қол жеткізу үшін бар күшін салады.
