Алматының аудан әкімдері көпбалалы аналармен 8 кездесу өткізді

Алматы қаласының әкімі бекіткен кестеге сәйкес, 2023 жылдың ақпан айында аудан әкімдері көпбалалы аналармен 8 кездесу өткізді, деп хабарлайды Almaty.tv.

Кездесуге 90 көпбалалы ана қатысты. Әкімдер 101 сұраққа жауап берді. 67 түсініктеме берілді, кездесулерден кейін 14 мәселе пысықталды, 20 сауалға қатысты жұмыс жүріп жатыр.

Негізгі мәселелер:

• тұрғын үй алу тәртібі (кезекке қою) - 27 (27%);
• білім беру (балаларды мектептер мен балабақшаларға орналастыру, мектеп формасы, Artsport бағдарламасы) - 14 (14%);
• денсаулық сақтау - 8 (8%);
• әлеуметтік жәрдемақылар (АӘК, азық-түлік жиынтықтары) - 9 (9%);
• ТКШ және абаттандыру (газ қосу, сумен жабдықтау және су бұру) - 9 (9%);
• жұмысқа орналастыру және Бизнеске арналған гранттар - 4 (4%);
• көлік - 2 (2%);
• алимент - 1 (1%);
• басқалары – 27 (27%).

Қала әкімі аудан әкімдерінің қаладағы көпбалалы аналармен 2023 жылғы наурызға арналған кездесу кестесін бекітті.

Еске салсақ, бұған дейін аудан тұрғындарымен кездесу барысында көптеген өтінішке байланысты Алматы қаласының әкімі Ерболат Досаев аудан әкімдерінің көпбалалы аналармен ай сайынғы кездесуін ұйымдастыруды тапсырған болатын.

Оқи отырыңыз: Наурызда қазақстандықтар қанша күн демалады