Түркістан облысына қарасты Келес ауданы, Абай ауылының 33 жастағы тұрғыны 7 қыздан кейін үшем босанып, 10 баланың анасы атанды, деп хабарлайды Almaty.tv.
Үшемдердің ата-анасы көптен күткен ұлдарына Қасым, Жомарт есімдерін берді, ал қызын Кемел деп атады.
Гүлназ Мыңжасар мерзімінен бұрын – жүктіліктің 33-аптасында босанған. Кейбір қарсы көрсеткіштерге байланысты көпбалалы анаға ота жасалған. Әкесі Бақыт Мыңжасар құрылыста жұмыс істейді. Ал анасы жұмыссыз. Шала туған балалардың салмағы 2000 грамм шамасында болған.
– Ота жасаған және жалпы №1 Перинаталдық орталығының акушерлік блогына үлкен алғысымды білдіремін. Медициналық мекемелерде қолайлы жағдай жасап, заманауи жабдықтармен қаматамасыз еткені үшін және мамандардың жоғары кәсібилігі үшін алғысым шексіз. Есімдерін Президентіміз сияқты үлкен азамат болсын деген ырыммен Қасым, Жомарт, Кемел деп қойдық, – деді үшемнің анасы Гүлназ Мыңжасар.
Оқи отырыңыз: Қызылордадағы мұнай өндірісінің озаттары марапатталды
