Бақытжан Сағынтаев COVID-19 індетінен қайтыс болған екі тұрғынның туған-туысына көңіл айтты

Қалада қауіпті індеттің таралуын тоқтату үшін барлық жағдай жасалып жатқанын мәлімдеді

Бақытжан Сағынтаев COVID-19 індетінен қайтыс болған екі тұрғынның туған-туысына көңіл айтты, деп хабарлайды Almaty.tv қала әкімінің twitter парақшасына сілтеме жасап. Қала әкімі өмірден озған екі тұрғынның жақындары мен туған-туыстарына көңіл айта отырып, қалада қауіпті індеттің таралуын тоқтату үшін барлық жағдай жасалып жатқанын мәлімдеді.

«Өкінішке қарай, дәрігерлердің барлық күш-жігеріне қарамастан, коронавирус індетінің асқынып кетуіне байланысты қаламыздың екі тұрғыны өмірден озды. Жақындары мен туған-туыстарына көңіл айтамын. Қауіпті вирустың таралуын тоқтату үшін қалада барлық жағдай жасалып жатыр», – деп жазады әкім.