7 минутта жеткен көмек: мамандар өрттің аумағын кеңейтуге жол бермеді

Алматыда тілсіз жаудан 4 адам зардап шекті. Төтенше жағдайлар департаментінің мәліметінше, Әйгерім-1 шағынауданындағы екі қабатты ғимараттың шатыры өртенген, деп хабарлайды Almaty.tv. 

Өрт сөндірушілер оқиға орнына 7 минут ішінде жетіпті. Алайда бұл уақытта жалын шатырды түгел шарпыған. Құрылым ағаштан жасалғандықтан өрт тез таралып, жақын маңдағы тұрғын үйлерге де қауіп төнген. Тілсіз жау 180 шаршы метр аумақты шарпыды. Салдарынан 4 адам зардап шегіп, қазір ауруханада дәрігерлердің бақылауында.

Мамандар өрттің шығу себебін анықтап жатыр.

Оқи отырыңыз: Қазақстанда киберқылмысқа қарсы жаңа шаралар қабылданды