Абай облысында жаңа қосалқы станция іске қосылды

Аягөз қаласында өңір үшін маңызды инфрақұрылымдық нысан – жаңа қосалқы станция пайдалануға берілді, деп хабарлайды Almaty.tv.

Жоба шеңберінде бұрын 110 кВт кернеумен жұмыс істеген электр желілерінің қуаты 220 кВт-қа дейін арттырылды. Бұл электрмен жабдықтау жүйесінің өткізу қабілетін ұлғайтып, сенімділігін күшейтуге мүмкіндік берді.

Жаңадан іске қосылған қосалқы станция Аягөз қаласын, Мақаншы және Үржар аудандарын тұрақты электр энергиясымен қамтамасыз етеді.

Іс-шараға облыс әкімінің орынбасары Серік Төленбергенов қатысып, нысанның инвестициялық тартымдылықты арттырып, өнеркәсіп кәсіпорындарын үздіксіз электр қуатымен қамтамасыз етуге ықпал ететінін атап өтті.

Оқи отырыңыз: Қазақстанда сиыр етін экспорттауға қойылған шектеу ұзартылуы мүмкін