Airba Fresh компаниясы Алматыда жаңа дүкен ашты

Жеке аспазхана – Airba Fresh брендінің өнімдерінен дәм татуға және ас әзірлеуге арналған аймақ. Азық-түлік жеткізу қызметінде озық деп танылған компания Алматының орталығында жаңа дүкенін ашты, деп хабарлайды Almaty.tv тілшісі.

Cапалы өнімдерді, соның ішінде жемістер мен көкөністерді сатып алу жеңілдей түспек. Airba Fresh онлайн супермаркеті қосымшасы арқылы Алматы бойынша азық-түлік жеткізумен айналысады. Бұдан былай өнімдерді барып сатып алуға мүмкіндік туды. Жаңа дүкен жоғары сапалы қызмет түрін ұсынады. Мұнда тағамдардың түр-түрі қойылған жеке аспазхана, рамен дайындауға арналған орын және демалыс алаңы бар.

"Қазір нарықта сапа мен қызмет көрсетуге баса мән беретін дүкендерге сұраныс жоғары. Әр үйдің маңында сауда нүктелері бар. Бірақ мен айтып отырған форматтағы дүкендер елде өте аз. Жоқтың қасы деуге болады. Сондықтан осы істі дамытуға ден қойып отырмыз", – деді Airba Fresh компаниясының директоры Даниэль Ким.

Airba Fresh дүкенінің ашылуына орай келушілер жаңа әзірленген кофе мен фирмалық тағамдардың дәмін татуға мүмкіндік алды. Алғаш болып сауда жасағандарға сыйлық берілді.

"Airba Fresh қызметін ұдайы қолданамын. Дүкені ашылып жатыр дегенді естіп, бірден келдік. Үнемі тапсырыс береміз, сапасы бағасына сай", – дедеі қала тұрғыны.

"Ұлым "барлығын өздері өндіреді" деп айтқан. Мен аспазбын.  Дұрыс тамақтану мен үшін өте маңызды. Бағасы қолжетімді. Себетті толтырып алдым", – деді қала тұрғыны.

"Бұл жерде көкөністер мен жемістердің сапасы жақсы. Бәрі көңілімнен шықты", – деді қала тұрғыны

Дүкен Алмалы ауданында Наурызбай батыр көшесі, 49 мекен-жайында орналасқан. Airba Fresh компаниясы дүкендер санын ұлғайтпақ. Тағы бір сауда орны бір айдан кейін ашылады. Демек онлайн қызмет көрсету бұрынғыдан да жылдамырақ болмақ.

Еркебұлан Серікұлы, Адель Акжаркенова, Мейрам Исабеков