Ақтөбе облысында 140-қа жуық адам жол апатынан қаза тапқан

Ақтөбе облысында жыл басынан бері облыста 1000-ға тарта жол-көлік оқиғасы тіркеліп, салдарынан 137 адам қаза тапты, деп хабарлайды Аlmaty.tv.

Бұл туралы облыстық полиция департаментінің баспасөз қызметі мәлімдеді.

"Ақтөбе облысы республика бойынша көлік апаты жиі болатын алғашқы үш өңірдің қатарына енген. Тәуелсіз зерттеулер, аймақта болған әрбір бесінші оқиға адам өліміне алып келгенін көрсетеді", - делінген ПД хабарламасында.

Полиция өкілдері жол апатынан қирап қалған көліктерді тиеп, қала орталығына әкелді. Шараға колледж студенттері де үн қосты.