Алкоголь өнімін сатқаны үшін 95 тұлға әкімшілік жауапкершілікке тартылды

Орал қаласының прокуратурасы салауатты өмір салтын қалыптастыру жөніндегі мемлекеттік саясатты іске асыру және құқық бұзушылықтың алдын алу  мақсатында полиция органдарымен бірлесіп алкоголь өнімдерін заңсыз сату фактілерін анықтау және жолын кесу бойынша жүйелі жұмыстар жүргізуде, деп хабарлайды Almaty.tv.

Жыл басынан алкоголь өнімдерін өткізу туралы заңнаманың талаптарын бұзғаны үшін 95 тұлға әкімшілік жауаптылыққа тартылды.

Мысалы, Орал қаласының әкімшілік құқық бұзушылықтар жөніндегі мамандандырылған сотпен алкоголь өнімдерін сағат 21:00-ден кейін сатқаны үшін «G» бар-дүкенінің иесі Әкімшілік құқық бұзушылық туралы кодексінің 200-бабының 3-тармағы бойынша әкімшілік жауаптылыққа тартылып, әкімшілік айыппұл салынды және алкоголь өнімін бөлшек саудада өткізуге лицензияның қолданылуы 3 ай мерзімге тоқтатылды.

Сонымен қатар, көңіл көтеру орындарының қызметтеріне де аса назар аударылуда.

Атап айтқанда, 21 жасқа толмаған адамдарға алкоголь өнімін сатқаны үшін биыл 2 көңіл көтеру орындарының алкоголь өнімін өткізуге лицензиялары тоқтатылды.

29.10.2025 жылы сот «The Bar» түнгі клубында 21 жасқа толмаған адамға алкоголь өнімін сатқан жеке кәсіпкердің лицензиясын 3 айға тоқтатты.

Қала прокуратурасы алкогольді заңсыз сату қоғамдық қауіпсіздікке қауіп төндіретінін, қылмыстың өсуіне ықпал ететінін және азаматтардың денсаулығына зиян екендігін ескертеді.

Алкоголь өнімдерінің айналымы саласындағы құқық бұзушылықтарды анықтау және жолын кесу жұмыстары жалғасады.

Оқи отырыңыз: Кәсіподақтар педагог мәртебесі мен құқықтарының қорғалуына қоғамдық бақылауды күшейтуі тиіс - министр