Алматыда бәйшешек гүлдеді

Алматының Бас ботаникалық бағы өз аумағында бәйшешек гүлдегенін жазды, деп хабарлайды Almaty.tv.

Ботаникалық бақтың баспасөз қызметі биыл ауа райына байланысты гүлдің кеш бүр жарғанын атап өтті.

"Енді көктем келді деп айта аламыз, өйткені ботаникалық бақта алғашқы галантус шықты. Оларды бәйшешек деп те атайды. Әдетте бұл әдемі нәзік гүлдер ақпанда, тіпті қаңтарда гүлдейді. Бірақ қалың қар мен қыстың ұзақ болуына байланысты гүл сәл кеш шықты", — деп хабарлады мекемеден.

Оқи отырыңыз: Алматыда 302 заңсыз дүңгіршек сүрілді: қала тұрғындары жұмысты қалай бағалап жатыр