Алматыдағы әскери институтта цифрлық қауіпсіздік тақырыбы талқыланды

Алматы қаласы Ішкі саясат басқармасының Қоғамдық даму орталығы Алматы қаласы Полиция департаментінің Киберқылмысқа қарсы іс-қимыл басқармасымен бірлесе ҚР Қорғаныс министрлігінің Радиоэлектроника және байланыс әскери-инженерлік институтында ақпараттық-түсіндіру кездесуі өткізілді, деп хабарлайды Almaty.tv.

Іс-шара «Заң мен тәртіп: цифрлық қауіпсіздіктегі азаматтық жауапкершілік» тақырыбы аясында ұйымдастырылып, қатысушыларға цифрлық кеңістіктегі құқықтық мәдениет пен жеке жауапкершіліктің маңызы кеңінен түсіндірілді.

Шара ұйымдастырушысы әрі модераторы:

• Болатжан Әл-Фараби Нұрбекұлы – Алматы қаласы Ішкі саясат басқармасының Қоғамдық даму орталығының өкілі.

Кездесудің спикерлері:

• Нұрлан Абдиманапов — ҚР ІІМ Оңтүстік өңірлік әскери-тергеу басқармасының аға жедел уәкілі, майор;
• Ибрагим Шыңғысхан Тыныштықұлы — Алматы қаласы Полиция департаментінің Киберқылмысқа қарсы іс-қимыл басқармасының жедел уәкілі, полиция аға лейтенанты.

Спикерлер практикалық мысалдар келтіріп, қазіргі цифрлық қауіптерден сақтану шараларын түсіндірді, желіде саналы әрі жауапты әрекет ету қажеттігін атап өтті.

Оқи отырыңыз: Алматыда мемлекеттік мүлікті заңсыз иемденген топқа қатысты сот үкімі шықты