Астанада газ жарылысынан зардап шеккендер ауруханаға жеткізілді

Астанада газ баллоны жарылып, үш адам зардап шекті, деп хабарлайды Аlmaty.tv тілшісі.

Оқыс оқиға Байқоңыр ауданында Жиенқұлова көшесінде орналасқан базар аумағындағы самса сататын дүңгіршекте болған.

Төтенше жағдайлар қызметінің мәліметінше, көлемі 50 литрлік газ баллонынан ақау шығып, соның салдарынан газ-ауа қоспасы жарылған.

Зардап шеккен үш адам жедел жәрдем қызметімен ауруханаға жеткізілді.

Қазіргі уақытта оқиғаның мән-жайы мен себептері анықталып жатыр. 

Оқи отырыңыз: Жарты жылда Қазақстанның музей-қорықтарына 784 мыңнан астам адам барды