Ауылдық жерлердегі дәрігер тапшылығы мәселесі қалай шешіліп жатыр

ҚР Денсаулық сақтау министрлігінің хабарлауынша, 2025 жылы Қазақстанның медициналық жоғары оқу орындары 10,5 мың маман шығарған, деп хабарлайды Аlmaty.tv.

Ведомство мәліметінше, бұл ретте түлектердің 34%-ы, бұл өткен жылмен салыстырғанда екі есе дерлік, ауылдық медициналық ұйымдарға жұмысқа жіберілген. Бұл шаралар шалғай және ауылдық өңірлерде кадр тапшылығын қысқартуға және денсаулық сақтау жүйесін нығайтуға ықпал етеді.

Жүргізілген шаралардың нәтижелері бойынша дәрігерлердің тапшылығы өткен жылмен салыстырғанда 20%-ға және орта медицина қызметкерлерінің тапшылығы 7%-ға төмендеді. Бұл ретте ауылдағы дәрігерлер тапшылығының 16%-ға төмендеуіне қол жеткізілді.

«Денсаулық сақтау жүйесін одан әрі дамыту жөніндегі жұмыс халықтың өмір сүру ұзақтығы мен сапасын арттыру мақсатында жалғастырылатын болады», - делінген ДСМ-нің жылдық қорытынды хабарламасында.

Сонымен қатар денсаулық сақтаудың цифрлық трансформациясы медициналық көмектің қолжетімділігін айтарлықтай арттыруға мүмкіндік берді. 2025 жылы тұрғындарға онлайн-форматта 2,7 млн медициналық қызмет көрсетілді, бұл жоспарлы көрсеткіштерден 8,65%-ға асып түсті.

Еліміздің сегіз өңірінде 100 медициналық ұйымда «Онлайн-медицина» пилоттық жобасы іске асырылуда, бұл емханаларға жүктемені азайтуға және ауылдық жерлердің тұрғындары үшін консультацияларға қолжетімділікті жақсартуға ықпал етеді.

Оқи отырыңыз: Елімізде ана мен сәби өлімі көрсеткіші қанша пайызға төмендеді