Ауыр қошқарды 100 рет көтерген әйел жеңімпаз атанды

Фото видеодан алынды

Айымға сый ретінде өзі көтерген қошқар берілді

Айым есімді әйел қошқар көтеру жарысында ерлерден де асып түсті. Риддерде өткен қошқар көтеру сайысында әйел адам жеңімпаз атанды, деп хабарлайды Almaty.tv.

Айым Нұржанова ерлермен бірге қошқар көтеру жарысында 100 рет отырып, тұрып қарсылас шақ келтірмеген.

"Бұл нәтиже мен үшін қалыпты жағдай. Бірнеше жылдан бері бразилиялық жекпе-жек өнерімен айналысып келемін, мұнда күш жаттығуларына баса назар аударылады. Штангамен үнемі жаттығу жасаймыз. Жақында ғана ана атандым, бірақ спорттық шеберлігімнен айырылған жоқпын. Бұл жеңістің кілті болды", - деп мойындады чемпион.

Айымға сый ретінде өзі көтерген қошқар берілді.

Дереккөз: SMARTNEWS.KZ