Бәсекелестікті қорғау агенттігі "Қазақтелекомға" қатысты тергеу ісін бастады

ҚР Бәсекелестікті қорғау және дамыту агенттігінен хабарлағандай, қазіргі уақытта сымды интернет нарығы жоғары шоғырланған, мұнда жиынтық үстем жағдайға "Қазақтелеком" АҚ және "Кар-Тел" ЖШС (Beeline) ие, деп хабарлайды  Аlmaty.tv ведомствоның баспасөз қызметіне сілтеме жасап.

"Талдау барысында Агенттік қызмет көрсету кезінде бөгде байланыс операторларының көппәтерлі тұрғын үйлерге кіруіне, сондай-ақ кабельдік кәріз желілеріне қосылудың техникалық шарттары туралы ақпарат алуды қиындататын кедергілерді анықтады", - делінген агенттік хабарламасында.  

Сондай-ақ анықталған кедергілерді жою бойынша тиісті ұсыныстар уәкілетті мемлекеттік органдарға жіберілді. Талдау аясында байланыс операторларының интернет қызметтеріне бағасының динамикасы да зерттелді.

"Талдау нәтижелері бойынша "Қазақтелеком" АҚ-ның іс-әрекеттерінде тауарға монополиялық жоғары баға белгілеу белгілері анықталды. Осыған байланысты Агенттік бәсекелестікті қорғау саласындағы заңнаманы бұзу деректерін тергеп-тексеру рәсімін бастады", - делінген хабарламада.

Оқи отырыңыз: Алматыда ресми түрде 4 мыңға жуық мопед тіркелді