Балаларын тұншықтырып өлтірген әйелге қатысты тың дерек пайда болды

Ақтөбе облыстық денсаулық сақтау басқармасының баспасөз қызметі Қандыағашта қаза болған екі баланың оқиғасына қатысты пікір білдірді, деп хабарлайды Almaty.tv тілшісі Azattyq Rýhy сайтына сілтеме жасап.

Дәрігерлердің айтуынша, марқұмға медициналық көмек көрсету мүмкін болмаған. Олар жедел жәрдем келгенше жантәсілім еткен.

«Жедел жәрдем бригадасы мекенжайға сағат 13:25-те жетті. Дәрігерлер келгенше балалар қайтыс болған. Алдын ала мәлімет бойынша, олар тұншықтырып өлтірілген. Олардан тұншығу белгілері анықталды», - деп хабарлады агенттік тілшісіне берген түсініктемесінде облыстық денсаулық сақтау басқармасы.

Ақтөбеде екі баласын өлтірді деген күдікпен әйел адам ұсталғанын, еске салайық.