Меншікті өндіріс
Біз әлеуметтік желілердеміз
Биыл су саласы қызметкерлерінің жалақысы артты
«Қазсушар» РМК қызметкерлерінің орташа жалақысы екі есе өсіп, 300 мың теңге
2025 жылы су саласы қызметкерлерінің жалақысы 50%-ға дейін артты, деп хабарлайды Almaty.tv.
Су саласының тартымдылығын арттыру мақсатында Су ресурстары және ирригация министрлігі жалақыны көтеруге бағытталған кешенді шаралар қабылдады. Нәтижесінде, 2024 жылы «Қазсушар» РМК қызметкерлерінің жалақысы орта есеппен 25%-ға өсті, ал биыл 1 шілдеден бастап тағы 35-50%-ға артты.
Су ресурстары және ирригация министрі Нұржан Нұржігітов Үкіметтің бір жылдағы қызметінің қорытындыларына арналған баспасөз мәслихатында атап өткендей, қазіргі таңда «Қазсушар» РМК қызметкерлерінің орташа жалақысы екі есе өсіп, 300 мың теңгені құрап отыр.
Сонымен қатар еңбек жағдайларын жақсарту шаралары аясында, биылдан бастап «Қазсушар» РМК-нің 425 маусымдық қызметкері тұрақты қызмет орындарына ауыстырылды.
Оқи отырыңыз:Қазақстан ластануды азайтып, заңсыз қоқыс орындарымен белсенді күрес жүргізуде