Павлодар облысында өрттен ер адам қаза тапты

Екібастұздағы жеке үйде болған өрт кезінде төтенше жағдайлар қызметінің қызметкерлері ер адамның денесін тауып, үш әйелді құтқарды, деп хабарлайды Аlmaty.tv.

Irbistv.kz жазуынша, облыстық ТЖД өрт туралы хабардың 8 қаңтарда сағат 20:38-де түскенін мәлімдеген.

Өрт сөндірушілер келген кезде жалын ағаш шатыр құрылымын, жиһаз бен тұрмыстық заттарды шарпыған.

«Өрт сөндіру кезінде үш әйел құтқарылып, жедел жәрдем бригадасына тапсырылды. 1984 жылы туған ер адамның денесі де табылды. Өрт сағат 21:37-де толығымен сөндірілді. Өрттің себебі анықталуда», - деп хабарлады облыстық төтенше жағдайлар қызметі.

Өртеніп жатқан үйдің видеосы әлеуметтік желілерде пайда болды.

Оқи отырыңыз: Алматы маңындағы жол апаты: үндістандық үшінші студент көз жұмды