Еңбек министрлігі: eGov-та қазақстандықтардың әл-ауқатын анықтайтын жаңа калькулятор жария болады

16 қазанда кешке eGov жүйесінде қазақстандықтардың әл-ауқатын анықтайтын жаңа калькулятор жария болады. Бұл туралы бүгін өткен брифингте Еңбек және халықты әлеуметтік қорғау министрі Асқарбек Ертаев пен вице-министр мәлім етті, деп хабарлайды Almaty.tv тілшісі.

Айта кетейік, бұған дейін интернетте қазақстандықтардың қай санатқа жататынын анықтайтын калькулятор пайда болған еді.

«Бұрынғы, яғни ескі калькулятор теріс.  Бүгін кешке біз eGov жүйесіне әл-ауқатты есептейтін жаңа калькуляторды жария етеміз. Азаматтар соған кіріп, өзінің әлеуметтік жағдайын анықтай алады», - деді министрлік өкілдері.

«Неге бұған дейін ескі калькулятор тарағанын, ал жаңа калькуляторды «болары болып, бояуы сіңген соң» жариялаудың маңызы қандай екенін?» сұраған журналистерге министрлік өкілдері былай деп жауап берді.

«Бұған дейін жаңа калькулятор техникалық сынақтан өтті, қазір ол қолдануға толық дайын. Бұл жаңа калькулятор халықтың әл-ауқатын биыл 30 қыркүйекте қабылданған жаңа ережеге сай анықтайды».

Оқи отырыңыз: Бала күтіміне қатысты ер адам декретке шықса да, жәрдемақы әйелге берілмек