Қазақстанда инсульттан болатын өлім 4 пайыз төмендеді

Қазақстанда инсульттан болатын өлім мамандандырылған орталықтар желісін кеңейтудің және профилактиканың жаңа стандарттарын енгізудің арқасында 4 пайыз төмендеді, деп хабарлайды Аlmaty.tv.
 

«Емделген пациенттердің саны 8,3 пайыз, 49 мыңнан 53 мыңға дейін өсті, жүргізілген тромболиздің үлесі 11 пайыз өсті, инсульттан болатын өлім 4 пайыз төмендеді», - деп хабарлады ҚР Денсаулық сақтау министрі Ақмарал Әлназарова ведомство алқасының отырысында.

Ведомствоның деректері бойынша, инсульт қанайналым жүйесі (ҚАЖ) ауруларынан болатын өлімнің жалпы құрылымында 32%-ды құрайды.

«Өңірлердегі бас штаттан тыс кардиологтар жетекшілік ететін бейінді ғылыми институттармен тығыз өзара іс-қимылды қамтамасыз ете отырып және олардан жан - жақты әдістемелік қолдау ала отырып, үйлестіру және ұйымдастыру-әдістемелік жұмысты күшейтуі тиіс», - деді Денсаулық сақтау министрлігінің басшысы.

Министр атап өткендей, стационар мен амбулаториялық қызметтің арасындағы кадрлық теңгерімсіздікті жою қажет, онда жүрек-қан тамырлары аурулары бар науқастарды анықтау және басқару бойынша негізгі жүктеме қалыптасады.

Қазақстанда нормативтік қажеттілікті толығымен жабатын 85 инсульт орталығы - 250 мың тұрғынға бір орталық жұмыс істейді.
Цереброваскулярлық бұзылыстарды ерте анықтау үшін скрининг енгізіліп, инсульт әлеуметтік мәні бар аурулардың тізбесіне енгізілді. Инсульттан кейін пациенттерді диспансерлік есепке қою мерзімі 30-дан 15 күнге дейін қысқартылды.

Оқи отырыңыз: Қызылорда облысында 300 төсектік заманауи көпбейінді аурухана ашылады