Қолайсыз ауа райы: елімізде қай жоларда шектеу енгізілді

«ҚазАвтоЖол» ұлттық компаниясы елдегі жолдардың қазіргі ахуалы туралы айтты, деп хабарлайды Almaty.tv.

Қолайсыз ауа райына байланысты республикалық маңызы бар автожолдардың келесі учаскелерінде көлік қозғалысы шектелді:

Ұлытау облысы

• «Жезқазған – Арқалық – Петропавл» автожолының 137–252 шақырым аралығы (Ұлытау қаласы – Қостанай облысының шекарасы).

Павлодар облысы

• «Астана – Шідерті – Павлодар – Успенка – РФ шекарасы» автожолындағы «Қалқаман» жолайрығы учаскесінде (Қалқаман кентіне кіреберіс пен Астана бағытына шығар жол) қозғалыс шектелген.

Сонымен қатар Шығыс Қазақстан облысындағы Осинов асуында тіркемесі бар және жартылай тіркемелі жүк көліктерінің қозғалысы уақытша шектелді. Шектеу «Өскемен – Алтай – Катонқарағай – Рахман қайнары» автожолының 46-66-шақырымындағы (Северное ауылы – Серебрянск қаласы) учаскесінде қыс маусымы аяқталғанша сақталады.

Оқи отырыңыз: Синоптиктер ауа сапасасына қатысты болжам жасады