Қарағандыда мұнара краны өртенді

Қарағандыда ТЖМ қызметкерлері мұнара кранының өртін сөндірді. Бұл туралы Төтенше жағдайлар министрлігінің баспасөз қызметі мәлім етті, деп хабарлайды Almaty.tv.

Бүгін таңертең Крылов көшесінде жаңа ғимараттың аумағында, 6-қабат деңгейінде мұнара кранының кабинасы жанды. Өрт алаңы 4 шаршы метрді құрады.

"Құтқарушылардың үйлесімді жұмысының арқасында өрт жедел түрде сөндірілді. Зардап шеккендер жоқ", — делінген ведомство хабарламасында.

ТЖМ кәсіпкерлерді өрт қауіпсіздігі талаптарын қатаң сақтауға шақырады.

Оқи отырыңыз: Көлік тұрағы жоқ: жалған жарнамаға сенген тұрғындар пәтердің сапасына сын айтты