Қазақстанда ең жоғары жалақыны кімдер алады

2025 жылғы зерттеу нәтижесінде Қазақстанда жұмысшылардың медианалық жалақысы 317 мың теңге болған, деп хабарлайды Аlmaty.tv ҚР Ұлттық статистика бюросына сілтеме жасап.

2025 жылдың сәуірінде Бюро жүргізілген зерттеу қазақстандықтардың нақты жалақы деңгейін көрсеткен. Зерттеу аясында барлық ірі кәсіпорындар және ірі бизнеске жатпайтын орта және шағын компаниялардың 30%-ы қамтылған.

Зерттеуде нақты жалақы туралы мәліметтер, барлық қосымша төлем, үстемақылар, сыйақылар, салықтар мен зейнетақы аударымдары есепке алынған.

Зерттеу қорытындысы бойынша:

• толық ай жұмыс істеген жұмысшылар саны аталған кәсіпорындарда 3 338,3 мың адамды құрады. Оның ішінде 48,5%-ы(1 620,7 мың адам) –ер адамдар, 51,5%-ы (1 717,6 мың адам) әйелдер болған. 

Бюро деректеріне сүйенсек, медианалық жалақы, яғни жалақыны тең екі бөлікке бөлетін орташа көрсеткіш 317 512 теңгені құрады. Бұл өткен жылғы 285 677 теңгемен салыстырғанда 11,1% жоғары.

Білім деңгейі бойынша айырмашылық та айқын байқалады:

• Орта білімділердің орташа айлық жалақысы – 289 673 теңге;
• Жоғары білімділердің жалақысы – 497 563 теңге;
• Жоғары оқу орнынан кейінгі білім иелерінікі – 672 493 теңге.

Бұл мәліметтер елдегі еңбек нарығындағы жалақы айырмашылықтарын және білім деңгейінің табысқа әсерін айқын көрсетеді.

Оқи отырыңыз: Ұлттық банк "7-20-25" бағдарламасының шарттарын өзгертті