Қазақстандық оқушылар халықаралық физика олимпиадасында әлем чемпионы атанды

Қазақстандық оқушылар Халықаралық ғылыми физика олимпиадасында (ISPhO-2025) жалпыкомандалық есепте 1-орынды жеңіп алды. Ел құрамасының қоржынында 4 күміс, 1 қола медаль бар, деп хабарлайды Аlmaty.tv Оқу-ағарту министрлігінің баспасөз қызмнетіне сілтеме жасап.

Ресейдің Ханты-Мансийск қаласында 29 маусым мен 8 шілде аралығында өткен халықаралық білім додасына әлемнің 21 елінен оқушылар қатысқан болатын.

Олимпиада екі негізгі кезеңнен тұрды: теориялық және эксперименттік кезеңдер. Әр қатысушы жеке есепте екі бағыт бойынша бағаланды. Қорытындысында 5 оқушымыз елге 10 марапатпен оралды.

Күміс медаль иегерлері:

• Роман Черемнов – Алматы қаласы «Мирас» мектебінің 11-сынып оқушысы;
• Таир Әбдіқадыр –Қостанай облыстық «Білім-инновация» лицейінің 10-сынып оқушысы;
• Альтаир Аканов – Астана қаласындағы РФММ-нің 11-сынып оқушысы;
• Илияс Қазымбек – Алматы қаласындағы РФММ-нің 10-сынып оқушысы.

Қола медаль иегері:

• Даниэль Тюлюбаев – Астана қаласы «NURORDA» мектеп-лицейнің 11-сынып оқушысы.

Сондай-ақ теориялық айналым нәтижелері бойынша Роман Черемнов, Илияс Қазымбек 1-дәрежелі дипломға, Даниэль Тюлюбаев, Таир Әбдіқадыр, Альтаир Аканов 2-дәрежелі дипломға ие болды.

Оқи отырыңыз: Маңғыстауда алдағы оқу жылында 9 мектеп пайдалануға беріледі