Қазақстандық тұрғын шетелдік компанияларды бопсалады деген күдікпен ұсталды

ҚР ҰҚК баспасөз қызметі

Оған киберқылмыс жасады деген айып тағылды

Алматы қаласында Ұлттық қауіпсіздік комитеті шетелдік әріптестерімен бірлесіп, қазақстандық азаматты киберқылмыс жасады деген күдікпен ұстады, деп хабарлайды Аlmaty.tv.

«Тергеу материалдары бойынша, ол шетелдік компаниялардың серверлеріне заңсыз кіріп, компьютерлік деректерді шифрлайтын зиянды бағдарламалар орнатқан. Деректерді қалпына келтіру үшін криптовалюта түрінде төлем талап еткен», - делінген ҰҚК хабарламасында.

Тінту барысында кибершабуылдарды жасау үшін пайдаланылған заттай айғақтар тәркіленді.

Қылмыстық-процестік кодекстің 201-бабының 1-бөлігіне сәйкес өзге ақпараттар жария етуге жатпайды.

Оқи отырыңыз: Алакөлде зейнеткер әйелді катер қағып мерт қылды