Халық заңгері – 2025: тегін құқықтық көмек берілетін жалпыреспубликалық акция өтеді

2025 жылдың 30 мамырында Қазақстанның барлық қалаларында бір уақытта «Халық заңгері» атты ауқымды жалпыреспубликалық акция өтеді, деп хабарлайды Almaty.tv.

Бұл шара – еліміздің тұрғындарына білікті, тегін құқықтық көмек көрсету мақсатында ұйымдастырылып отыр. Акция кезінде заңгерлер, адвокаттар және мемлекеттік органдардың өкілдері азаматтардың құқықтық мәселелеріне жауап беріп, кәсіби кеңестер ұсынады. 

Іс-шара ҚР Үкіметінің қолдауымен және ҚР Сыбайлас жемқорлыққа қарсы іс-қимыл агенттігі, ҚР Әділет министрлігі, Zakon.kz ақпараттық порталы, «Параграф» ақпараттық жүйесі, Республикалық адвокаттар алқасы мен басқа да мемлекеттік және құқықтық ұйымдардың бастамасымен өтпек.

«Халық заңгері» акциясы бірнеше жылдан бері өткізілуде және бұл жолы да халыққа жақын болуды мақсат тұтады. Көптеген азаматтар үшін кәсіби заңгерлік кеңес алу – қолжетімсіз немесе күрделі процесс. Осы акция аясында тұрғындар құқықтық сауалдарын еркін қойып, мүлік, еңбек, әлеуметтік көмек, отбасылық даулар, бизнес жүргізу және басқа да салалар бойынша нақты жауаптар ала алады.

Құқықтық көмектің сапасын арттыру үшін еліміздің үздік заңгерлері мен адвокаттары жұмылдырылып отыр. Сонымен қатар, мемлекеттік органдардың қатысуы тұрғындарға бюрократиялық кедергілерді түсінуге және заң шеңберінде шешім қабылдауға көмектеседі.

Алматы қаласының Әділет департаменті қала әкімдігімен бірлесіп, азаматтар мен заңды тұлғаларға білікті заң көмегін көрсету басты назарда болатын «Халық заңгері» акциясын өткізеді.

Акция өтетін мекен-жайы:

• Алмалы ауданы Төле би көшесі 86 үй Абай атындағы ҚазҰПУ сағат 10.00-17.00
• Алмалы ауданы Құрманғазы көшесі 107 үй мекен-жайындағы, Қонаев университетінде сағат 17.00
• Медеу ауданы Достық 85А Каспий университеті сағат 17.00

Іс-шара 2025 жылғы 30 мамырда сағат 17:00-де басталады. Кіру тегін.

Бұл мекенжайлар қаланың орталық бөлігіне жақын орналасқан және көпшілікке қолжетімді. Ұйымдастырушылар азаматтарды уақытылы келіп, өздерін мазалаған құқықтық сұрақтар бойынша тегін кеңес алуға шақырады.

Оқи отырыңыз: Инклюзивті білім беру: Алматы мектептерінде мамандар жеткілікті ме