Күдіктілерден 1,9 млн теңге пара алған: Астанада полиция қызметкері сотталды

Астана қаласының қылмыстық істер жөніндегі ауданаралық соты 26 эпизод бойынша бірнеше рет пара алғаны, сондай-ақ басқа сотталушыларға қатысты пара бергені үшін полиция қызметкеріне айыптау үкімін шығарды, деп хабарлайды Аlmaty.tv.

Қалалық соттың баспасөз қызметінің хабарлауынша, Астана қаласы полиция департаментінің уақытша ұстау изоляторының қызметкері бола отырып, 2023 жылғы қараша мен 2024 жылғы сәуір аралығында изоляторда ұсталған 26 тергеудегі тұлғаларға ұялы телефонды пайдалану құқығын заңсыз бергені үшін жалпы сомасы 1,9 млн теңгеден астам пара алған. Кейіннен барлық адам қылмыстық жауапкершілікке тартылған.

Сот сотталушыларда кәмелетке толмағандар мен жас балалардың болуын, сондай-ақ кейбір сотталушылардың бұрын қылмыстық жауапкершілікке тартылмағанын қылмыстық жауаптылық пен жазаны жеңілдететін мән-жайлар деп таныды.

Ауырлататын жағдай - сотталушы Ж.-ға қатысты антты бұзуы.

«Жасалған қылмыстың мән-жайын ескере отырып, сот Ж.-ны ҚР ҚК 366-бабы 3-бөлігінің 4-тармағы бойынша кінәлі деп танып, мемлекеттік қызметте қызмет атқару құқығынан өмір бойына айыра отырып, 7 жыл мерзімге бас бостандығынан айыру жазасын тағайындады» , - делінген сотхабарламасында.

Қашған екі айыпталушыға мемлекеттік қызметте қызмет атқару құқығынан өмір бойына айыра отырып, 3 жыл мерзімге бас бостандығынан айыру жазасы тағайындалды. Тағы біреуіне мемлекеттік қызметте қызмет атқару құқығынан өмір бойына айыра отырып, 15 есе пара мөлшерінде айыппұл түріндегі жаза тағайындалды.

«23 сотталушыға қатысты қылмыстық іс өкінуге байланысты тоқтатылды, өйткені олар тергеу кезінде жақын туыстарымен байланыс мүмкіндігін орнату үшін ұялы телефонды пайдалануға қатысты пара беруге мәжбүр болған», - делінген хабарламада.

Сот үкімі заңды күшіне енген жоқ.

Оқи отырыңыз: Ақмола облысында жоғалып кеткен бақташының денесі табылды