Меншікті өндіріс
Біз әлеуметтік желілердеміз
Қызылорда облысында мектеп есепшісі 16 млн теңге жымқырған
Ол алты ай бойы өз есепшотына негізсіз қаржы аударып келген
Қызылорда облысы Арал ауданында мектеп есепшісіне бюджет қаржысын жымқырды деген айып тағылып отыр, деп хабарлайды Аlmaty.tv тілшісі.
Ол алты ай бойы өз есепшотына негізсіз қаржы аударған деген күдікке ілінген. Соның салдарынан мемлекетке келген шығын 16 миллион теңгеге жуық.
Ішкі мемлекеттік аудит департаменті жүргізген тексеріс нәтижесінде 33 жастағы күдіктінің бірнеше есе артығымен еңбекақы алып келгені де белгілі болыпты. Ол өзінің қылмысын толығымен мойындаған. Қазіргі таңда аталған дерек бойынша қылмыстық іс тіркеліп, сотқа дейінгі тергеп-тексеру жүріп жатыр.
«Ішкі мемлекеттік аудит комитетінің тапсырмасына сәйкес тәуекелдерді басқару жүйесі бар. Сол жерде болған мәліметтерге байланысты мұғалімдердің қаражаты белгілі болады, егер артық қаржы аударғаны көрінсе, тексеру жұмыстарын жүргіземіз», - деді Ішкі мемлекеттік аудит департаментінің басшысы Ерболат Күзембаев.