МӘМС: депутат жарнаның 1 пайызын арнайы есепшотқа аударуды ұсынды

Кейбір қазақстандықтар міндетті әлеуметтік медициналық сақтандыруға жарнаны көбірек төлейтін болады. Бұл туралы бүгін Мәжілісте Денсаулық сақтау министрі мәлімдеді, деп хабарлайды Almaty.tv тілшісі.

Міндетті әлеуметтік медициналық сақтандыру жүйесі халықтың көңілінен шыққан жоқ. Осылай деген Депутаттар МӘМС-ке өзгерістер енгізуді қолға алды. Деректерге сүйенсек, елімізде үш миллионнан астам адам сақтандырылмаған. Бірақ министрлік келесі жылы бұл көрсеткіш едәуір азайып, 1 миллионнан астам адам емханаларға барып ем-дом қабылдай алады деп сендірді.

«Ақылы қызмет түрін аламыз, соларды МӘМС-ке енгізі жақсы болар еді», – деді  қала тұрғыны Күннұр Досымбаева.

 «Жеке емханаларға жүгінуге мәжбүрбіз. Емханаға көп бармаймын. Менің үйдегі бауырларым, әке-шешем барады», – деді қала тұрғыны Мағжан Жолшыбай

Бас дәрігер Ақмарал Әлназарова жүйенің қаржылық тұрақтылығын қамтамасыз ету үшін нақты екі бастама ұсынып отыр. Ол ең алдымен, 2026 жылдың 1 қаңтарынан бастап қызметкерлердің жарналарын есептеу базасының жоғарғы шегін арттыру керек деп санайды. Министр сондай-ақ 2027 жылдан бастап МӘМС жүйесіндегі жарналардың мөлшерін біртіндеп ұлғайту керек екенін айтты.

 «Бұл өзгерістер барлық жалдамалы жұмысшылар мен оларға жұмыс берушілерді шамамен 9 пайызына тиесілі болады.  Қазақстан бойынша 508 мың адам көлемінде ғана заң жобасында енгізілген өзгерістерді сезетін болады. Себебі оар қазіргі уақытта табысы жоғары пропорционалды түрде аз  төлеп отыр», – деді ҚР Денсаулық сақтау министрі Ақмарал Әлназарова

Ал депутат Нартай Сәрсенғалиев міндетті әлеуметтік медициналық сақтандыруға жалақысынан жырып 2 пайыз төлеп отырған халықты ынталандыру керек деп санайды. Мәжілісмен 2 пайыз жарнаның 1 пайызын арнайы есепшотқа аударуды ұсынды. Халық бұл соманы тіс дәрігері, косметолог сияқты мамандардың қызметіне төлейді. Депутат тегін медициналық көмекке қатысты да ұсынысын ортаға салды.

«Мемлекет кепілдік берген медициналық көмек көлемінің ішінде арнайы медициналық санитарлық көмек бар. Соны МӘМС-тің жүйесіне өткізбекші. Сәйкесінше, бұл жерде тегін қызметті мемлекет тарапынан алатын азаматтар саны азайып кете ме деген қауіп болып отыр.  Мемлекет кепілдік беретін медициналық көмекке бүйрек ауруымен ауыратындарды, қант диабетіне шалдыққан азаматтарды, қан қысымымен ауыратын азаматтарды тегін медициналық көмек алатын азаматтардың санатында қалдыра беруді мен сұрап отырмын», – деді ҚР Парламенті мәжілісінің депутаты Нартай Сәрсенғалиев.

Айта кетейік, елімізде МӘМС жүйесі 2020 жылдың 1 қаңтарынан бастап іске қосылған. Халық қалаулылары тиісті заңға өзгеріс енгізіп, жүйенің жұмысын барынша оңтайландыруды көздеп отыр.

Аршат Әділжанқызы, Нұрлан Өтеген, Дастан Темірбекұлы, Астана

Оқи отырыңыз: Ауылдың денсаулық сақтау инфрақұрылымы кезең-кезеңімен жаңартылады - министр