Маңғыстауда жел жылдамдығы күшейді

Маңғыстауда ауа райы күрт бұзылып, желдің жылдамдығы күшейе түсті, деп хабарлайды Almaty.tv.

Салдарынан ғимараттардың шатыры ұшып, көшедегі ағаштар құлады. Жасыл желек көлік үстіне түсіп, темір тұлпарды талқандап тастаған. Желдің екпіні секундына 30 метрге дейін жеткен. Мамандар алдағы уақытта қар аралас жаңбыр жаууы ықтимал деген болжам жасап отыр. Сондықтан барынша қауіпсіздік ережесін сақтап, үйден шықпауды ескертеді.

"Маңғыстау облысы Төтенше жағдайлар департаменті Маңғыстау облысы тұрғындарына ғимараттан шықпауға, яғни көлігін талдардың астына қоймауға , балаларды қараусыз қалдырмауға және төтенше жағдайлар болған кезде 112 және 101 телефон нөміріне хабарласуыңызды сұрайды", – деді Маңғыстау облысы Төтенше жағдайлар департаментінің ресми өкілі Ерлан Сұлтанмұратов.

Оқи отырыңыз: Алматыда жаңбыр мен қар: коммуналдық қызметтер қауіпсіздік шарасын күшейтті