Маңғыстауда үш жұп егіз дүниеге келді

facebook.com/cok.mangystau
facebook.com/cok.mangystau

Осылайша, екі күнде перинаталдық орталық тарихында үш жұп егіз дүние есігін ашты

Жаңалықтармен бөлісіңіз

Маңғыстау облыстық Ана мен бала перинаталдық орталығында екі күн ішінде үш жұп егіз дүниеге келді. Нәрестелердің екеуі – ұл мен қыз, ал бір жұбы – екі ұл, деп хабарлайды Almaty.tv облыстық Қоғамдық коммуникация орталығына сілтеме жасап. 

Ана мен бала перинаталдық орталығының мәліметінше, алғашқы егіздер 2026 жылғы 13 қарашада сағат 14:00 және 14:09-да өмірге келді. Отбасында салмағы 2740 грамм, бойы 51 см ұл бала және салмағы 2830 грамм, бойы 52 см қыз бала дүниеге келді.

Сол күні кешкі сағат 17:16 және 17:33-те тағы бір жұп егіз туды. Бұл жолы ата-анасы қос ұлды болды. Нәрестелердің салмағы 2430 және 2290 грамм, бойлары 46 см.

Ал 14 қарашада сағат 11:58-де салмағы 3080 грамм, бойы 51 см ұл бала, ал сағат 12:15-те салмағы 2960 грамм, бойы 52 см қыз бала дүниеге келді.

Кішкентай ханзадалар мен ханшайымдардың есімдері әзірге толық анықталған жоқ. Тек бір ұл мен қыздың ата-анасы оларға Әнуар және Ақнұр есімдерін берген.

Осылайша, екі күнде перинаталдық орталық тарихында алты сәби өмірге келіп, үш отбасы егіздердің ата-анасы атанды.

Оқи отырыңыз: Ботулизмнің алдын алу үшін қандай сақтық шараларын сақтау керек