Мейрамханадағы атыс: бір адам жарақат алды

Алматыдағы мейрамханалардың бірінде атыс болып, бір адам жарақат алды, деп хабарлайды Almaty.tv.

Түнгі уақытта Алатау ауданындағы тамақтану орнында екі таныстың отырысы ұрысқа ұласқан. Ер кісінің бірі травматикалық қару қолданып, жолдасының аяғына оқ атқан екен. Күдікті бірден ұсталды. Полиция бұл дерек бойынша тергеу бастады.

«Травматикалық қаруды қолдану дерегі бойынша Алатау аудандық полиция Басқармасы қылмыстық іс қозғады. Жетісу облысының тумасы, 35 жастағы күдікті ұсталды және уақытша ұстау изоляторына қамалды. Травматикалық қару тәркіленді», – деді Полиция департаментінің ресми өкілі Салтанат Әзірбек.

Оқи отырыңыз: Ұшақ апаты: Қызылордада жоғалғандар далалық аумақтан табылған