Мемлекет басшысы бірқатар маңызды заңға қол қойды

Мемлекет басшысы Қасым-Жомарт Тоқаев сыбайлас жемқорлыққа қарсы іс-қимыл мәселелері, педагог мәртебесі, білім беру, денсаулық сақтау және баланың құқықтарын қорғау мәселелеріне қатысты заңға қол қойды, деп хабарлайды Аlmaty.tv. 

Бұл туралы Ақорданың баспасөз қызметі хабарлады. 

Атап айтқанда, Президент келесі заңдарды бекітті:

• «Қазақстан Республикасының кейбір заңнамалық актілеріне педагог мәртебесі, білім беру, денсаулық сақтау және баланың құқықтарын қорғау мәселелері бойынша өзгерістер мен толықтырулар енгізу туралы» заң;
• «Қазақстан Республикасының Әкімшілік құқық бұзушылық туралы кодексіне педагог мәртебесі мәселелері бойынша өзгерістер енгізу туралы» заң;
• «Қазақстан Республикасының кейбір заңнамалық актілеріне сыбайлас жемқорлыққа қарсы іс-қимыл мәселелері бойынша өзгерістер мен толықтырулар енгізу туралы» заң.

Барлық заңның мәтіні алдағы уақытта ресми баспасөзде жарияланатын болады.

Оқи отырыңыз: Мемлекет басшысы Қырғыз Республикасы Жогорку Кенешінің төрағасын қабылдады