Мереке кезінде тағамнан уланып қалмаудың жолдары қандай

Көпшілік асыға күтетін көктемнің шуақты мерекесі — Наурыз жақындап келеді. Бұл күндері дастарханға наурыз көже, бауырсақ, бешбармақ, қазы-қарта, шұжық, қуырдақ, жент секілді түрлі тағамдар қойылады. Олардың қатарында тез бұзылатын өнімдер де бар, деп хабарлайды Almaty.tv Денсаулық сақтау министрлігіген сілтеме жасап. 

Мереке қарсаңында халық жаппай азық-түлік сатып алып, мектептер мен балабақшаларға тағам апарады. Сондай-ақ елді мекендерде жәрмеңкелер ұйымдастырылады. Осы кезеңде тағамнан улану мен инфекциялық аурулардың алдын алу үшін санитарлық талаптарды сақтау аса маңызды.

Іс-шара ұйымдастырушылары мен сатушыларға қойылатын талаптар:

• іс-шараларды алдын ала жоспарлап, қатысушылар санын реттеу;

• адамдардың шамадан тыс шоғырлануына жол бермеу;

• тағам дайындау және сату кезінде санитарлық талаптарды қатаң сақтау;

• үй жағдайында дайындалған өнімдерді сатпау;

• қызметкерлерді арнайы киіммен қамтамасыз ету;

• тез бұзылатын өнімдерді сақтау үшін тоңазытқыштардың болуы;

• бір рет қолданылатын ыдыстарды пайдалану;

• өнімнің сапасы мен қауіпсіздігін растайтын құжаттардың болуы.

Тұрғындарға кеңес:

• тек қауіпсіз әрі сапалы тағам өнімдерін таңдаңыз;

• балаларға берілетін тағамның жас ерекшелігіне сай болуына мән беріңіз;

• әсіресе балалармен бірге адам көп жиналатын орындарда сақ болыңыз.

Мектептер мен балабақшаларда ата-аналар мен білім беру ұйымдары түсіндіру жұмыстарын жүргізіп, сақтау мерзімі сақталмаған үй тағамдарын тұтынуға жол бермеуі тиіс.

Оқи отырыңыз: Шетелдіктер Қазақстанға қандай медициналық қызметтер алу үшін келеді