Алматы халықаралық әуежайы футбол академиясының құрылыс барысын таныстырды

6 тамызда Алматы халықаралық әуежайының президенті Гокер Косе Қазақстан футбол федерациясының президенті Марат Омаровпен, Алматы облысы әкімінің орынбасары Ғани Майлыбаевпен және Талғар ауданының әкімі Танат Айдарбековпен бірге KFF Academy by Almaty International Airport жобасының құрылыс алаңына барып, жобаның қазіргі іске асырылу барысымен танысты, деп хабарлайды Аlmaty.tv.

Жұмыс сапары барысында қатысушыларға академия құрылысының барысы, жұмыстардың қазіргі жағдайы және жобаны іске асырудың алдағы кезеңдері таныстырылды. Құрылыс бекітілген кестеге сәйкес жүргізілуде.

оба Қазақстан футбол федерациясының бастамасымен және Алматы халықаралық әуежайының толық қаржылық қолдауымен жүзеге асырылуда. Академия FIFA халықаралық стандарттарына сәйкес салынып, 14 пен 16 жас аралығындағы тәрбиеленушілерге арналған.

Академия құрамына спорттық, әкімшілік және тұрғын үй блоктары кіреді. Тұрғын үй корпусы 150 тәрбиеленуші мен академия қызметкерлеріне арналған төрт қабатты жатақханадан тұрады. Сондай-ақ кешен аумағында жабық футбол залы, жартылай олимпиадалық оңалту бассейні және екі толық өлшемді ашық футбол алаңы орналасады.

Жобаның жалғыз қаржылық серіктесі ретінде Алматы халықаралық әуежайы оның іске асырылуын барлық кезеңдерде сүйемелдеп, құрылыс мерзімдерінің сақталуына және орындалатын жұмыстардың сапасына ерекше назар аударады.

Жобаны іске асыру Алматы халықаралық әуежайының корпоративтік әлеуметтік жауапкершілік саясатының бір бөлігі болып табылады және қазақстандық футболшылардың болашақ буынын дамыту үшін заманауи мүмкіндіктер жасауға деген ұмтылысын көрсетеді.

Оқи отырыңыз: Алматы әуежайында жерүсті қызмет көрсету техникасы паркі жаңғыртылып жатыр