Алматының бірнеше көшелерінде түнгі уақытта қозғалыс шектелетін болды.
Тимирязев көшесінде құрылыс жұмыстарының жүруіне байланысты Розыбакиев пен Гагарин даңғылының аралығы 16 тамызға дейін түнгі 11-ден таңғы 6-ға дейін жабық болады. Ал Назарбаев даңғылының Сәтпаев көшесі мен әл-Фараби даңғылы аралығында 17 тамызға дейін көліктердің жүруіне шектеу қойылмақ.
Сондай-ақ, Назарбаев даңғылындағы бағдаршамдардың жаңартылуына байланысты, Әйтеке би мен Қазыбек би көшелерінің қиылыстары 14-інен 15 тамызға қараған түні, Гоголь көшесімен қиылысы 15-інен 16-ына қараған түні, Мақатаев көшесінің қиылысы 16-ынан 17-іне, Мәметова көшесінің қиылысы 17-інен 18-іне, ал Райымбек даңғылымен түйіскен тұсы 18-інен 19-ына қараған түні жабық болады.
Бағдаршамдарды ауыстыру жұмыстары түнгі 11-ден таңғы 8-ге дейін жүреді.
