Он үш облыста жүргізушілерге ескерту жасалды

Almaty TV

Ескерту ауа-райының бұзылуына байланысты жарияланды

20 желтоқсанда Абай, Алматы, Ақмола, Жамбыл, Жетісу, Қарағанды, Қостанай, Қызылорда, Павлодар, Солтүстік Қазақстан, Түркістан, Ұлытау және Шығыс Қазақстан облыстарының кей жерлерінде қар күтілуде, деп хабарлайды Almaty.tv "ҚазАвтоЖол"-ға сілтеме жасап.

"2024 жылғы 20 желтоқсанда Абай, Алматы, Ақмола, Жамбыл, Жетісу, Қарағанды, Қостанай, Қызылорда, Павлодар, Солтүстік Қазақстан, Түркістан, Ұлытау және Шығыс Қазақстан облыстарының кей жерлерінде қар күтілуде. Сол себепті жүргізушілерге қауіпсіздік ережелерін қатаң сақтап, жолдардағы ауа райының қолайсыздығын ескерулеріңізді сұраймыз", – делінген ақпаратта.

1403 байланыс орталығына хабарласып, тәулік бойы қосымша ақпарат алуға болады.