Мектептердің тамақтану қызметтеріне ақы төлеу «Әлеуметтік әмиян» цифрлық жүйесінің расталған деректері негізінде жүргізіледі

Биылдан бастап мектептердің тамақтану қызметтеріне ақы төлеу тек «Әлеуметтік әмиян» цифрлық жүйесінің расталған деректері негізінде жүргізіледі. Бұл туралы Үкімет отырысында жасанды интеллект және цифрлық даму бірінші вице-министрі Ростислав Коняшкин мәлімдеді, деп хабарлайды Аlmaty.tv.

«“Әлеуметтік әмиян” ақпараттық жүйесі әлеуметтік қызметтерді цифрландыруды қамтамасыз етеді. 2025–2026 оқу жылында осы жүйе арқылы 149 млн тегін ыстық тамақ берілді. 1,6 млн цифрлық ваучер берілді. Биылдан бастап мектептердің тамақтану қызметтеріне ақы төлеу тек расталған деректер негізінде жүргізіледі. Бірінші қыркүйекке дейін тиісті тізімдерді қалыптастырып, дайындық жұмыстарын қамтамасыз ету қажет», — деп атап өтті Ростислав Коняшкин.