Меншікті өндіріс
Біз әлеуметтік желілердеміз
Өскеменде жол апатынан екі адам қаза тапты
Қазір аталған фактіге байланысты тергеу басталды
Өскемен қаласында жол-көлік оқиғасынан екі адам қаза тапты, деп хабарлайды Almaty.tv тілшісі Kazinform-ға сілтеме жасап.
ШҚО полиция департаменті баспасөз қызметінің мәліметіне сүйенсек, жол апаты Малдыбаев көшесінде болған.
— Алдын ала деректерге сәйкес, 35 жастағы ер адам Honda Inspire маркалы көлікті айдап әкеткен. Малдыбаев көшесі арқылы қалаға кіріп келе жатқанда қарсы жолаққа шығып кетіп, Mersedes-Benz көлігімен соқтығысқан, — деп хабарлады ведомство өкілдері.
Соның салдарынан екі жүргізуші де оқиға орнында көз жұмды. Облыстық полиция департаменті анықтау басқармасының бастығы Арман Үмітовтің айтуынша, Mersedes-Benz көлігінің жолаушысы түрлі жарақатпен ауруханаға жеткізілді.
Қазір аталған фактіге байланысты тергеу басталып, оқиғаның мән-жайы анықталып жатыр.
Оқи отырыңыз: Астанада көпқабатты үйден шыққан өрттен үш бала қаза тапты