Павлодар облысында тасжол бойынан адам сүйегінің қалдықтары табылды

Павлодар облысында жол жұмыстарын жүргізу кезінде адам сүйегінің қалдықтары табылды, деп хабарлайды Аlmaty.tv.

Өңірлік полиция департаментірің хабарлауынша, аталған дерек бойынша сотқа дейінгі тергеу басталды.

«14 тамызда Ақтоғай ауданы Жаңауыл ауылының маңында кюветте жол жұмыстарын жүргізу кезінде жұмысшылар сүйек қалдықтарын тапқаны анықталды», - делінген хабарламада.

Қазіргі кезде қажетті іс-шаралар кешені тағайындалады және өткізілуде, олардың нәтижелері бойынша процестік шешім қабылданады.

Тергеу барысында мән-жайлар анықталатын болады.

Оқи отырыңыз: Өзін-өзі өртемек болған: Қарағандыда арнайы жасақ оқыс оқиғаның алдын алды