Рамазан айындағы дұрыс тамақтану: сәресі мен ауызашар тәртібі қандай

Қасиетті Рамазан айында тамақтану әдеттегі мәзірден қатты ерекшеленбеуі, барынша қарапайым әрі теңгерімді болуы тиіс, деп хабарлайды Almaty.tv.

Құран Кәрімде: «…Таң атқанға дейін ішіп-жеңдер, ал одан кейін күн батқанға дейін ораза ұстаңдар…» (Бақара сүресі, 187-аят) деп айтылған,

Мамандардың айтуынша, ораза дұрыс ұстау тек рухани тазаруға емес, денсаулықты нығайтуға да ықпал етеді. Ағза жыл бойы үздіксіз тамақ қабылдаудан демалып, жаңару үдерісі жүреді.

Сәресі (сухур): күнді қуатпен бастау

Сәресі – таң намазына дейінгі ас. Пайғамбар Мұхаммед (с.ғ.с.) хадистерінде сәресіні кем дегенде бір жұтым сумен болса да ішуге кеңес берген.

Дәрігерлер сәресіге:

• тұтас дәнді нан, жарма ботқалары сияқты күрделі көмірсуларды;
• жаңа піскен көкөніс салаттарын;
• кептірілген жемістерді;
• ақуызға бай тағамдарды (ет, балық, жұмыртқа, сүт өнімдері) қосуды ұсынады.

Күрделі көмірсулар 8–12 сағат бойы қуат береді. Құрма – табиғи қант, талшық, калий мен магнийге бай. Банан, бадам да пайдалы.

Сәресіде артық тамақтанудан және шамадан тыс су ішуден сақ болу керек. Кофені барынша азайтқан жөн. Айран, қатық сияқты қышқыл сүт өнімдері шөлді басуға көмектеседі.

Ауызашар (ифтар): байыппен бастау

Ауызашар күн батқан соң жасалады. Дәстүр бойынша ауызды құрма немесе сумен ашқан дұрыс. Дәрігерлердің айтуынша, құрма қандағы глюкоза деңгейін тез қалпына келтіреді.

Алдымен жеңіл ас – су, құрма, жылы сорпа ішіп, содан кейін ғана негізгі тағамға көшу ұсынылады. Ұзақ уақыт аш жүрген ағзаға бірден көп мөлшерде тамақ жеу ауырлық түсіреді.

Ауызашар дастарханында:

• көкөніс және ет-көкөніс тағамдары;
• жарма өнімдері;
• жеміс-жидек;
• аз мөлшерде тәтті тағам болуы мүмкін.

Қуырылған, майлы, тым тәтті және тұзды тағамдарды шектеу қажет. Мұндай ас асқазанға ауыр тиіп, шөлді күшейтеді.

Ифтар мен сәресі аралығында жеткілікті мөлшерде су ішу маңызды (шамамен 7–8 стақан). Сондай-ақ компот, морс, шай ішуге болады. Ал фастфуд пен тез дайындалатын өнімдерден бас тартқан жөн — олар тез аштық тудырып, ағзаға пайда әкелмейді.

Рамазанда дұрыс тамақтанудың 9 қағидасы

Дұрыс тамақтану Рамазан айын жеңіл өткізуге, сергектікті сақтауға және денсаулықты нығайтуға көмектеседі. Ең бастысы – ысырапқа жол бермей, сабыр мен тепе-теңдікті сақтау.

Дереккөз: islam.ru

Оқи отырыңыз: Күнә жуатын жаңбыр және Құранда айтылған жалғыз ай: Рамазан туралы қызықты деректер