Рамазанға 34 күн қалды: Қасиетті айды әлем елдері қалай өткізеді

Рамазан – мұсылман әлемінде қасиетті айдың бірі. Бұл айда ораза ұстап қана қоймай, әр елдің ұлттық салт-дәстүрі мен ерекше әдет-ғұрыпы қалыптасқан.

Almaty.tv  бірнеше елдегі Рамазан айының қалай өтетініне шолу жасады.  

Түркияда Рамазанда түн ішінде тұрғындарды сәресіге ояту үшін көшелерді барабанмен аралап шығатын дәстүр бар. Бұл ежелгі Осман дәуірінен бастау алады және әлі күнге дейін кейбір қалаларда сақталған.

Сонымен қатар Рамазанға арналған арнайы Ramazan pidesi, дөңгелек әрі жұмсақ пиде сияқты тағамдар айрықша танымал.

Египетте Рамазанда көшелер мен үйлер түсті фанус шамдарымен безендіріледі, бұл айдың атмосферасын атап өтудің басты белгісі болып табылады. Балалар фанус ұстап, ән айтып жүреді.

Сонымен қатар, ай ішінде ортақ Ramadan tables (Māʾidat ar-Raḥmān) деп аталатын үлкен дастархан жайылып, мұқтаж жандарға тегін тағамдар беру –  ерекше дәстүрдің бірі.

Индонезияда Рамазан алдында padusan атты тазарту рәсімі өткізіледі, бұл айға рухани дайындық ретінде саналады. Бұл елде арнайы Ramadan базарлары жұмыс істейді, онда ауызашарға арналған ұлттық тағамдар мен тәттілер сатылып, бірге тамақ ішеді.

Мароккода таңсәріге нафар көшелерде жүріп, флейта немесе барабанмен тұрғындарды оятады. Рамазан кезінде жиі дайындалатын тағамдар – harira (қызыл сорпа) және тәтті chebakia сияқты сусындар көп қолданылады.

Пәкістанда қасиетті айда ортақ дастархандар жиі дайындалады. Ауызашар үшін адамдар жиналып, бірге тамақ ішеді. Бұл дәстүр қоғамды біріктіреді әрі қайырымдылықты көрсетеді.

Ұлыбританияда мешіттердің есігі бұл айда барлық дін өкілдеріне ашық, олары конфессияаралық диалог пен түсіністікке шақырады. Келушілерді дәмді ауызашарға арналған дастарханға шақырып, дәм татады.

Малайзия базары бұл айда дәстүрлі тағамдардың керемет алуан түрін ұсынатын орталыққа айналады. Ашық аспан астындағы базарлар елді біріктіріп, Рамазанның мерекелік атмосферасын жасайды.

Филиппинде жастар қолын маңдайына басып, үлкендерг құрмет көрсетеді. Қарапайым әдет қасиетті айда махаббат, отбасы және ризашылықты білдіреді.

Әр ел Рамазанда өзіндік әдет-ғұрпын қалыптастырғанымен, қасиетті айдың мәні – сенім, жомарттық және жамағат, өзгеріссіз қалады.

Оқи отырыңз: Миғраж түні: Мұсылмандарға намаз қалай парыз болған