Референдум: Мәскеуде тіркелген 900 адамның 718-і дауыс берген

Қазақстанның Ресейдегі елшілігінде жұмыс істеген №397 сайлау учаскесінде Қазақстанда АЭС салу жөніндегі референдумда дауыс берудің қорытындысы шығарылды, деп хабарлайды Almaty.tv.

Дауысты санау рәсімінің қорытындысы бойынша сайлау комиссиясының мүшелері Мәскеуде референдумға қатысуға тіркелген 900 адамның 718-і дауыс бергенін, бұл 79,77 пайыз екенін хабарлады.

Ең көп сайлаушы Мәскеуде тіркелді.

Дауыс беру тыныш жағдайда өтті, ешқандай заң бұзылған жоқ. Көрші мемлекет аумағындағы барлық учаскелер сол күні жергілікті уақыт бойынша 07:00-ден 20:00-ге дейін ашық болды.

Дереккөз: ҚазАқпарат