Әйгілі әнші Рики Мартин желіде Алматының әдемі көрінісімен бөлісті

Фото: instagram.com/ricky_martin

Ол Қазақстанға алғаш рет концерт қою үшін келді

Әлемге әйгілі әнші Рики Мартин Instagram парақшасында Алматының әсем көрінісін жариялады, деп хабарлайды Аlmaty.tv.

Өнерпаз әлеуметтік желідегі сторисінде қаланы биіктен түсірілген видеомен бөлісіп, «Қайырлы таң, Алматы!» деп жазған. Бейнежазба әнші орналасқан ғимараттың терезесінен түсірілген болуы мүмкін.

Рики Мартин Қазақстанға алғаш рет концерт қою үшін келді. Оның концерті бүгін, 18 шілдеде Алматыда өтеді.

Бұған дейін әнші қазақстандық жанкүйерлерімен кездесуді асыға күтіп жүргенін айтып, елге ұшып келген сәтінен кадрлар жариялаған еді.

Оқи отырыңыз: «Жас сарбаз» студиясының тәрбиеленушісі «Славян базары» байқауында екінші орынды иеленді