Әшекей бұйымдарға қарап қыздың жасын қалай білуге болады

Қазақ дәстүрінде әшекей бұйымдар қыз баланың жасына, әлеуметтік мәртебесіне және отбасылық жағдайына байланысты тағылған, деп хабарлайды Almaty.tv.

Айттырылмаған қыздар үшін кейбір әшекейлер ерекше мағынаға ие болған.

Айттырылмаған қыздың әшекейлері:

• Шолпы мен шашбау: Көбінесе жас қыздар шашын екі өріп, оған шолпы немесе шашбау таққан. Бұл олардың бойжеткен, бірақ айттырылмаған белгісі болған. Шолпының сыңғыры қыздың жүргенін білдіріп, жаман көзден сақтайды деген наным да бар.
• Білезік пен жүзік: Қыздар күмістен жасалған жұқа білезік пен жүзік таққан. Жүзіктің саны мен түрі қыздың жасына сай таңдалған.
• Сырға: Жас қыздар көбінесе жеңіл, сәнді сырғалар таққан. Сырға тағу қыз баланың бойжеткенін білдірсе, құда түскеннен кейін сырғаның түрі өзгеруі мүмкін еді.
• Тана мен өңіржиек: Айттырылмаған қыздар қарапайым тана немесе өңіржиек таққан. Бұл да жас қыздың әлі басы бос екенін көрсететін.

Ал егер қыз айттырылып, сырға салу рәсімі жасалса, оның әшекейлерінде белгілі бір өзгерістер болған. Қалыңдық сырға тағу арқылы құда түскенін білдірген.

Қазақ мәдениетінде әшекей бұйымдар тек сәндік зат қана емес, белгілі бір әлеуметтік мәні бар рәміздік белгі де болған.

Оқи отырыңыз: Көнек, үкіаяқ:  қазақтың ұлттық бұйымдары туралы не білесіз