ШҚО-да жыл басынан бері 1,5 тоннаға жуық балық заңсыз ауланған

Шығыс Қазақстан облысында уылдырық шашу маусымы кезінде 92 браконьерлік фактісі тіркелді, деп хабарлайды Almaty.tv тілшісі ҚазАқпаратқа сілтеме жасап.

Өңір бойынша сәуір айының ортасында басталған «Уылдырық шашу-2025» акциясы мәресіне жетті. Бір жарым айдың ішіндегі рейдтер барысында 117 әкімшілік құқық бұзу тіркелген. 

"Оның ішінде 92-сі — заңсыз балық аулау, 24-і — кемемен қатынау ережелерін бұзу, 2-і — су айдындарын ластау, 1-і — балықты заңсыз тасымалдау. Тексеру барысында құқық бұзғандардан 130 балық аулау торы мен 3 қайық тәркіленді. Заңсыз ауланған балықтың жалпы салмағы 44 келі", — дейді Зайсан-Ертіс аймақаралық бассейндік балық шаруашылығы инспекциясы басшысының орынбасары Фархат Байбазаров.

Салынған әкімшілік айыппұлдардың жалпы сомасы 2 422 000 теңгеге жеткен. 

Жалпы осы жылдың басынан бері инспекция 656 рейд өткізіп, нәтижесінде 1,5 тоннаға жуық заңсыз ауланған балық пен 973 құрал-жабдықты тәркіледі. 

Оқи отырыңыз: Жібек жолы самалы: «Есік» музейінде фотокөрме өтті